54. iki gün müharibə olmayacaq, ya da lengiyəcək, səbəb isə hava şəraitidir. Güclü yağışlar yağır və dağlıq ərazi olduğundan hava buludludur. Pua qalxmayacaq havaya, necə ki bugün qalxmayıb və video yayılmayıb. 48 saat bir müharibə üçün böyük zaman kəsiyidir. Üstəgəl, artıq siyasi təzyiqlər gəlməyə başlayır. Kanada, Lavrov da bugün yenə sülhə çağırıb. Sözsüz, axır-əvvəl bu savaş bitəcək, amma mümkün qədər masaya güclü əl kimi oturmaq lazımdır. ilham da bugün makronu acılayıb. Arxamız türkiyədir, bilirik, amma day "voram, zoram" hər ölkəyə keçməz. Adam, bəzən fikirləşir, ya bütün bu olanlar ilhamın xalqdan sadəcə xal qoparmagidirsa? Həmişəki kimi. Nəbilim... O qədər suallar var ki.. zənnimcə, bu həftə bitər savaş. Və ümid edirəm ki, istədiyimiz nəticəni alarıq. Qabaqda müstəqillik günü gəlir (18 okyabr). O vaxta qalmaz, qələbə bayramını qeyd edərik.. bu müharibə haqqında fikirlərim. Yəni indiki vəziyyət.
indi isə müharibədən sonra ola biləcəklər haqqında bir neçə söz...
Əmin olduğumuz bir şey var, status quo dəyişəcək, heçnə əvvəlki kimi olmayacaq. Bu şərait indiki hakimiyyət üçün qızıl balıq kimidir. Gələn il böyük ehtimal yeni parlament seçkiləri olacaq. Mart/aprel ayına bəlkə. Qarabağdan yeni namizədlər filan. Real yenə seçkilərə bizi inandıracaq. Seçki kütləsi bu dəfə daha çox ola bilər, çünki xalqda bir oyanma var istər-istəməz. Realdan 5-10 nəfər parlamente buraxarlar.. ardıycan nə ola bilər? Guya parlament müstəqil şəkildə konstitusiyaya bir neçə dəyişiklik üçün referenduma çıxaracaqlar.necə ki, 2009, 2016-da elədilər. Dəxlisiz maddələrə səsvermə filan, amma əsas məqsəd xalqın ilhama olan mənəvi borcu: parlamentli monarxiyaya keçid. Ailə olur əbədi, ingiltərə variantı, baş nazir düşür ortalığa. Dəyişiklik kimdən gələcək: böyük ehtimal realdan. Baxın, bizdə müxalifət işləyir şousu. Baş nazir də kim olacaq bəs? Hmmm, məncə ilqar. Bu qədər sadə. Efirə də buraxırlar day. Bir Cəbrayıl rayonuna görə prezidentə " boynuma dola, rəis" deyən kütlə, Qarabağ tam alınsa gör nələr edər. ( Əlbəttə, Qarabağın azad olunmasını hər kəs kimi mən də istəyirəm, bu mövzu deyil).
Digər ssenari isə nəşənin kayfı gedəndən sonra gələn oyanma mərhələsidir. Həyat bütün acılığı ilə şillə kimi dəyəcək kasıb təbəqənin üzünə: sosial qayğılar, həll olunmayan cəmiyyət problemləri. Torpaqla qarın doymur, torpaqla ölən övlad geri qayıtmır, torpaqla ailə saxlaya bilməzsiniz. Bir müddət iqtisadi/sosial problemlər sadəcə dondurulmuşdu, indi isə daha kəskin şəkildə öz həllini gözləyir. "Vətən sağ olsun!" Deyə bilməzsən, çünki maddi tələbatları mənəviyyatla ortusturmək olmur. Camaat onda ayılanda çox gec olacaq, ipimizi çoxdan ilhamın əlinə vermiş olacağıq. Bilmirəm, bəlkə ayıldıq nə vaxtsa, bir millət olaraq, amma dünənki populist çıxışdan sonra son geriyə bir qırıq ümidim var idisə, o da məhv olub getdi. Bu ölkəyə yaxın 10-15 il ərzində çətin demokratiya gəlsin. Hər şeyi qurban vermişik bir şəxsin arzu və istəklərinə. 17 il bizi qəddarcasına idarə edən, 190 manata möhtac qoyan biri, sizcə, bundan sonra mərhəmət hissinə qapılar?! Məncə yox.